Azərbaycan millisi Gürcüstanda keçirilən təlim-məşq toplanışının ilk mərhələsini başa vurub

Azərbaycanın oğlanlardan ibarət U-18 millisi Gürcüstanın paytaxtı Tbilisidə keçirilən təlim-məşq toplanışının ilk mərhələsini yekunlaşdırıb.

"Report" xəbər verir ki, Anar Sarıyevin rəhbərlik etdiyi yığma təlim-məşq toplanışında yerli komandalarla bir neçə yoldaşlıq oyununda qüvvəsini sınayıb.

Son olaraq Gürcüstanın 20 yaşadək basketbolçulardan ibarət kollektivi ilə qarşılaşan komanda 57:89 hesabı ilə uduzub.

Qeyd edək ki, milli iyulun 25-dən avqustun 3-dək Rumıniyanın Piteşti şəhərində keçiriləcək Avropa çempionatının B divizionunda iştirak edəcək.