"Azərreyl"in baş məşqçisi çempionluğu dəyərləndirib

Qadın voleybolçular arasında Azərbaycan Yüksək Liqasında 2024/2025 mövsümünün qalibi olan "Azərreyl"in baş məşqçisi Paolo Tofoli çempionluğu dəyərləndirib.

"Sizinxeber.az" xəbər verir ki, italiyalı mütəxəssis "Abşeron"la ikinci final matçından sonra jurnalistlərə açıqlama verib.

O finalın ilk matçında məğlubiyyətə baxmayaraq çempion olacaqlarına inandığını söyləyib:

"Gözlənilən qələbə oldu. Komandamda bəzi çətin vəziyyətlər oldu. Qələbə münasibəti ilə kollektivi təbrik edirəm. İlk oyunda 0:3 hesablı məğlubiyyətə baxmayaraq qələbəyə inanırıq. Bəzi təhlillər apardıq. Voıeybolda qələbəyə inanmaq lazımdır. Sona qədər mübarizə apardıq və qələbə qazandıq".

Qeyd edək ki, "Azərreyl" ikinci final matçında "Abşeron"u "qızıl set"də məğlub edərək ölkə çempionu adını qazanıb.