Azərbaycan Basketbol Liqası: "Quba" evdə "Ordu"ya məğlub olub

Azərbaycan Basketbol Liqasının müntəzəm mövsümünün sonuncu - XX turunda "Quba" evdə "Ordu"ya məğlub olub.

"Report"un məlumatına görə, Quba Olimpiya İdman Kompleksində baş tutan B qrupunun matçı qonaqların 97:88 hesablı qələbəsi ilə yekunlaşıb.

Qeyd edək ki, turun ötən gün baş tutan matçında "Şəki" "Lənkəran"ı 107:78 hesabı ilə məğlub edib. Tura aprelin 6-da yekun vurulacaq.