UEFA Çempionlar Liqasının yeni himnini təqdim edib

Ötən gecə Çempionlar Liqasının 2024/2025-ci il mövsümünün pley-off mərhələsində turnirin himni yeni versiyada səsləndirilib.

Sizinxeber.az xəbər verir ki, notlar eyni qalsa da, musiqi alətlərinin səsi bir qədər dəyişib.

2024/2025 mövsümündən Çempionlar Liqasında əvvəlki kimi 32 yox, 36 komanda çıxış edəcək. Əvvəllər klublar hər biri dörd komandadan ibarət qruplara bölünürdü, indi Çempionlar Liqası İsveçrə sistemi adlanan sistemdən istifadə edəcək, burada bütün 36 komanda vahid sıralamada yer alacaq. 2024/2025 mövsümü üçün UEFA Çempionlar Liqasının finalı 31 may 2025-ci ildə Münhendəki Allianz Arenada keçiriləcək.

Xatırladaq ki, Real Madrid ötən mövsüm Çempionlar Liqasının qalibi olub. Finalda “Los Blancos” Dortmund “Borussiya”sını 2:0 hesabı ilə məğlub edib.

Sizinxeber.az