“Neftçi” klubu Azərbaycan Premyer Liqasına ardıcıl iki heç-heçə ilə başlayıb.

BAKU.WS Peşəkar Futbol Liqasının mətbuat xidmətinə istinadən xəbər verir ki, bu klub tarixində ilk belə hal olub.

Roman Qriqorçukun baş məşqçisi olduğu kollektiv öncə “Turan Tovuz” (0:0), ardınca “Səbail”lə (1:1) sülhə imza atıb.

Eyni komandanın startdakı iki turda heç-heçə etməsi son 9 mövsümdə ilk dəfə qeydə alınıb. Sonuncu belə hadisə 2015/2016 mövsümündə yaşanıb. Həmin vaxt iki komanda - “Sumqayıt” və “Kəpəz” startda heç-heçələri sıralayıb.

Ümumilikdə isə ölkə çempionatları tarixində 11-ci belə seriya qeydə alınıb.

“Bakı” (2011/2012, 2012/2013) və “Kəpəz” (2010/2011, 2015/2016) hərəyə iki dəfə belə starta imza atıb. Bakı “İnşaatçı”sı 1993/1994, “Turan” 1996/1997, AZAL 2008/2009, “Simurq” 2012/2013, “Xəzər Lənkəran” 2013/2014, “Sumqayıt” 2015/2016 mövsümündə sülhsevərlik göstərib.

BAKU.WS

Oxşar xəbərlər

"Neftçi" tarixində ilkə imza atıb

Azərbaycan Kuboku tarixinin darmadağınları - ARAŞDIRMA

“Neftçi” Azərbaycan çempionatlarında nadir göstəriciyə imza atıb

"Qarabağ" üçüncü dəfə ölkə çempionatına böyük hesablı qələbələrlə başlayıb

Azərbaycan Premyer Liqasında mövsümün rekordu təkrarlanıb