Almaniyanın "Nürnberq" klubunun idman direktoru Joti Xatsialeksiu cari mövsümün sonunda Azərbaycan millisinin futbolçusu Mahir Emreli ilə vidalaşmalarına münasibət bildirib.

"Report" xəbər verir ki, II Bundesliqa təmsilçisinin rəsmisi bu barədə klubun saytına açıqlama verib.

O, 27 yaşlı hücumçuya gələcək karyerasında uğurlar arzulayıb:

"Müqavilə müddəti mövsümün sonunda bitəcək oyunçularla bağlı tez qərar vermək bizim üçün vacibdir. Mahirlə yaydan sonra münasibətlərimizi davam etdirməməyə razılaşdıq. Ona bu mövsüm göstərdiyi səylərə, xüsusən də fədakarlığına görə təşəkkür edirəm".

Qeyd edək ki, mövsümün əvvəlində "Nürnberq"ə keçən Mahir Emreli II Bundesliqada 7, Almaniya Kubokunda 1 qola imza atıb.

Oxşar xəbərlər

Bundesliqada çıxış edən iki klub Mahir Emreli ilə maraqlanır

Mahir Emreli “Nürnberq”də kollektivlə məşqlərə başlayıb

Mahir Emreli "Nürnberq"də qol hesabını açıb

Mahir Emreli: Tezliklə meydana qayıtmaq üçün əlimdən gələni edəcəyəm

Miroslav Kloze: Mahir Emreli yaxşı təcrübəyə malikdir