Argentinalı ulduz futbolçu Lionel Messinin çıxış etdiyi "İnter Mayami" klubu Şimali, Mərkəzi Amerika və Karib hövzəsi (CONCACAF) Çempionlar Kubokunun 1/4 final mərhələsinin ilk oyununda məğlub olub.

"Report"un məlumatına görə, komanda səfərdə ABŞ-nin digər təmsilçisi "Los Anceles"ə uduzub.

Qarşılaşma meydan sahiblərinin minimalhesablı qalibiyyəti ilə bitib - 1:0. Yeganə qolu 57-ci dəqiqədə Neytan Ordas vurub.

"İnter Mayami"nin aparıcı oyunçuları - Lionel Messi, Luis Suares və Xordi Alba matça ilk "11-lik"də başlayıb və sonadək meydanda olublar.

Qeyd edək ki, tərəflər arasında cavab qarşılaşması aprelin 9-dan 10-na keçən gecə keçiriləcək.

Oxşar xəbərlər

“İnter Mayami” Lionel Messinin ilk komandası ilə yoxlama görüşü keçirəcək

Lionel Messinin komandası MLS-in qalibi olub

Lionel Messinin komandası MLS-də mübarizəni dayandırıb

Messi "İnter Mayami"nin ən çox qol vuran futbolçusu olub

Messinin het-triki və Suaresin dublu “İnter Mayami”yə böyükhesablı qələbə qazandırıb