Gürcüstanlı yarımmüdafiəçisi Xviça Kvaratsxeliyanın İtaliyanın “Napoli” klubundan Fransanın “PSJ” klubuna transfer məbləği açıqlanıb.

“Sizinxeber.az” xəbər verir ki, bu barədə italiyalı jurnalist Nikolo Şira “X” sosial şəbəkəsindəki səhifəsində məlumat verib.

Onun transfer qiyməti 75 milyon avro təşkil edəcək.

Məlumata görə, Kvaratsxeliya ilə müqavilə 2029-cu ilə qədər davam edəcək. Razılığın bir mövsüm uzadılması mümkündür. Futbolçunun Paris klubunda maaşı 9 milyon avro olacaq və o, 2 milyon avro bonus qazanacaq.

Qeyd edək ki, 23 yaşlı futbolçu 2022-ci ildən “Napoli”də çıxış edir və komandanın tərkibində 2023-cü ildə İtaliya çempionu olub. Bu mövsüm gürcü futbolçu klubda 19 oyun keçirib, 5 qol vurub və 3 məhsuldar ötürmə verib.

Kvaratsxeliya əvvəllər “Rubin Kazan” və Moskvanın “Lokomotiv” klublarında çıxış edib.

Yarımmüdafiəçi 2019-cu ildə Rusiya kubokunu qazanıb və ölkə çempionatının gümüş mükafatçısı olub. Kvaratsxeliya Gürcüstan millisinin heyətində 40 oyun keçirib, 17 qol vurub və 9 məhsuldar ötürmə verib.

Oxşar xəbərlər

Xviça Kvaratsxeliya "Napoli" ilə razılığa gəlib

"Napoli" Portuqaliya klubunun futbolçusunu transfer edir

"Barselona" Kvaratsxeliyanı fantastik məbləğə transfer etməyi planlaşdırır

Duşan Vlahoviç İtaliya A Seriyasında ən çox qazanan futbolçu olacaq

Xviça Kvaratsxeliya "Napoli"ni tərk edə bilər