İspaniya La Liqası: “Barselona” xal itirib

Futbol üzrə İspaniya La Liqasında XXIV turun növbəti oyunları keçirilib.

"Sizinxeber.az" xəbər verir ki, “Barselona” “Qranada”nı qəbul edib.

Altı qolun vurulduğu görüşdə qalib müəyyənləşməyib - 3:3.

Turun ötən gün baş tutan oyunlarında "Xetafe" "Selta"nı 3:2, "Malyorka" "Rayo Valyekano"nu 2:1, "Sevilya" isə "Atletiko"nu (Madrid) 1:0 hesabı ilə məğlub edib.

Qeyd edək ki, turnir cədvəlinin zirvəsində qərarlaşan "Real Madrid"in 61, ikinci pillədəki "Jirona"nın 56 xalı var. "Barselona" isə 51 xalla üçüncü sırada yer alıb.