Futbol üzrə İspaniya çempionatının 22-ci turunda “Barselona” öz meydanında “Vilyarreal”a məğlub olub.

“Sizinxeber.az” xəbər verir ki, “Kamp Nou”da keçirilmiş matç 3:5 hesabı ilə başa çatıb.

Katalonların heyətində İlkay Gündoğan (60-cı dəqiqə), Pedri (68) fərqlənib, qonaqların müdafiəçisi Erik Beyi (71) isə avtoqol vurub. “Sarılar”ın qollarını isə Xerar Moreno (41), İlyas Axomaş (54), Qonsalu Gedeş (84), Aleksandr Sörlot (90+9) və Xose Luis Morales (90+12) vurub.

“Barselona” (44 xal) La Liqanın turnir cədvəlində üçüncü pillədə qərarlaşıb. “Vilyarreal” (23) isə 14-cü yerdədir.

“Barselona” yanvarın 31-də keçiriləcək növbəti matçda “Osasuna” ilə qarşılaşacaq. “Vilyarreal” isə fevralın 4-də “Kadis”i qəbul edəcək.

Oxşar xəbərlər

“Real Madrid” final oyununda “Barselona” ilə üz-üzə gələcək

"Barselona" komandası antirekorda imza atıb

"Barselona" futbolçusunu 100 milyon avroya satmaqdan imtina edib

"Real"ın sabiq qapıçısı karyerasını başa vurub

Yurgen Klopp “Barselona”ya rəhbərlik edə bilər