Argentina millisi ilə dünya çempionu olan "Tottenhem" klubunun futbolçusu Kristian Romero İngiltərədə "Qarabağ"a qarşı keçirəcəkləri Avropa Liqasının Liqa mərhələsinin I turunun matçını buraxacaq.

"Report" xəbər verir ki, bu barədə məşhur "The Standard" nəşri məlumat yayıb.

Buna səbəb 26 yaşlı müdafiəçinin cəzalı durumda olmasıdır.

London təmsilçisinin vitse-kapitanı iki mövsüm əvvəl aldığı qırmızı vərəqəyə görə bu matçda iştirak edə bilməyəcək. O, 2022/2023 mövsümündə "Milan"la qolsuz heç-heçə etdikləri Çempionlar Liqasının 1/8 final mərhələsinin cavab matçında (ilk oyun - 0:1) ikinci sarı vərəqəni alaraq meydandan qovulmuşdu. "Tottenhem" 2023/2024 mövsümündə avrokuboklarda yer almadığından argentinalı futbolçu cəzasını bu mövsüm çəkməli olacaq.

Qeyd edək ki, sentyabrın 26-da baş tutacaq "Tottenhem" - "Qarabağ" matçı Bakı vaxtı ilə saat 23:00-da başlayacaq.

Oxşar xəbərlər

Avropa Liqası: "Tottenhem" - "Qarabağ" oyununun bilet qiymətləri bəlli olub

Konfrans Liqası: "Zirə"nin legioneri Xorvatiya klubu ilə ilk oyunu buraxacaq

"Lester" "Tottenhem" klubunun futbolçusunu transfer edib

"Qarabağ"ın iki aparıcı futbolçusu "Dinamo" ilə matçları buraxacaq

İsveç klubuna qarşı oynamış futbolçu: “Qarabağ” “Hakken”i məğlub edəcək gücdədir”