"Real Madrid"in hücumçusu Kilian Mbappe klublararası dünya çempionatının 1/4 finalında Dortmund "Borussiya"sının qapsına vurduğu qolunu "Liverpul"un avtomobil qəzasında dünyasını dəyişən hücumçusu Dioqu Jotaya həsr edib.

Bu barədə “Report” xarici mətbuata istinadən xəbər verir.

"Real Madrid" Dortmund "Borussiya"sını 3:2 hesabı ilə məğlub edərək klublararası dünya çempionatının yarımfinal mərhələsinə yüksəlib. “Real Madrid”in üçüncü qolunu Mbappe 90+4-cü dəqiqədə vurub.

Xatırladaq ki, Portuqaliya millisinin oyunçusu iyulun 3-də avtomobil qəzasına düşüb.

Dioqu Jota İspaniyanın qərbindəki Zamora əyalətində avtomobil qəzasında həlak olub. Futbolçunun 28 yaşı var idi. Faciədə futbolçu ilə yanaşı qardaşı da dünyasını dəyişib.

İyulun 5-də Jota və qardaşı Andre Silvanın dəfn mərasimi olub. Mərasim futbolçuların böyüdüyü Qondomar şəhərinin qəbiristanlığında baş tutub.

Oxşar xəbərlər

Klublararası dünya çempionatı: “Real Madrid” "Borussiya"nı məğlub edərək yarımfinala yüksəlib

Klublarası dünya çempionatı: "Borussiya" "Real Madrid"lə görüşəcək

Mbappe klublararası dünya çempionatında "Real"ın növbəti matçını da buraxacaq

Mbappe xəstəliyə görə 4-5 kq arıqlayıb

"Real" 1/4 finala yüksəlib