Azərbaycanın ilk təmsilçisi Paris-2024 Yay Olimpiya Oyunlarında bu gün mübarizəyə başlayıb.

"Report" xəbər verir ki, kamandan oxatma növündə Yaylagül Ramazanova gücünü sınayıb.

Sıralama turuna 30-cu cütdə başlayan təmsilçimiz 647 xalla 39-cu yeri tutub.

Y.Ramazanova 1/32 finalda Quxuan Anla (Çin) qarşılaşacaq. Onun rəqibi sıralama turunu 656 xalla 26-cı pillədə başa vurub.

1/32 final görüşləri iyulun 30-da baş tutacaq.

Qeyd edək ki, Azərbaycan millisi Fransada 48 idmançı ilə təmsil olunur. Yığma 15 idman növü üzrə 17 proqramda çıxış edəcək. Paris-2024-ə avqustun 11-də yekun vurulacaq.

Oxşar xəbərlər

Paris-2024: Azərbaycanın ilk təmsilçisi bu gün mübarizəyə başlayır

Paris-2024-də Azərbaycandan ilk hansı idmançı yarışacaq?

AGF-nin vitse-prezidenti Paris-2024-də iştirak edəcək idmançılarla görüşüb

Azərbaycan idmançılarının Yay Olimpiya Oyunlarına yolasalma mərasimi baş tutub

Yamaykalı idmançı internet probleminə görə Paris-2024-dən kənarda qalıb