Bakıda yeniyetmə oğlan və qız boksçular arasında keçirilən “Heydər Əliyev Kuboku-2025” beynəlxalq turnirində Azərbaycanın 8 idmançısı 1/4 finala yüksəlib.

"Sizinxeber.az" xəbər verir ki, 8 ölkənin qatıldığı yarışın ikinci günündə Hüseyn Quliyev (48 kq), Yusif Əliyev, Tunar Mehdiyev (hər ikisi 52 kq), Sadiq Musayev (54 kq) Yusif Həsənli, Əflatun İsmiyev (hər ikisi 57 kq), Hüseyn Vahabov və Turqay Abbasov ( hər ikisi 75 kq) adlarını növbəti mərhələyə yazdırıblar.

Bakı Boks Mərkəzində keçirilən turnirin üçüncü günündə oğlanlar arasında 28, qızlarda 6 döyüş olacaq.

Qeyd edək ki, 216 (185 oğlan, 31 qız) boksçunun qatıldığı yarışda oğlanların mübarizəsində 14, qızlarda 9 çəki dərəcəsi üzrə qaliblər müəyyənləşəcək. “Heydər Əliyev Kuboku-2025″in final görüşləri mayın 21-də baş tutacaq.

Oxşar xəbərlər

Bakıda “Heydər Əliyev kuboku-2025” beynəlxalq turnirinə start veriləcək

Bakıda beynəlxalq boks turniri başlayıb, Azərbaycanın 6 təmsilçisi qələbə qazanıb

Özbəkistanlı boksçular Bakıda Azərbaycan millisi ilə hazırlıq keçəcəklər

“Heydər Əliyev Kuboku-2025” beynəlxalq turnirinin açılış mərasimi keçirilib