Azərbaycan gimnastları Bakıdakı Dünya Kubokunu 1 qızıl medalla başa vurublar

Azərbaycan gimnastları Bakıda keçirilən Dünya Kubokunu 1 qızıl medalla başa vurublar.

"Sizinxeber.az"un məlumatına görə, yarışın sonuncu günündə dayaqla tullanmada Murad Ağarzayev yeddinci, turnikdə İvan Tixonov isə səkkizinci yeri tutub.

Ötən gün halqalarla hərəkətlərdə Nikita Simonov qızıl mükafat əldə edib. Dəniz Əliyeva isə dayaqla tullanmada yeddinci yerə layiq görülüb.

Qeyd edək ki, turnirdə 19 ölkədən gimnastlar çıxış edib.