Bu dəfə yarışda yaxşı çıxış etmədim.

Bunu "Sizinxeber.az"a açıqlamasında Azərbaycan şahmatçısı Ayan Allahverdiyeva ölkə çempionatındakı çıxışı ilə bağlı danışarkən deyib.

O, Zeynəb Məmmədyarovaya uduzduğu 1/8 final mərhələsində səhvlər etdiyini bildirib:

"Yarışla bağlı çox danışa bilmərəm. Məğlub oldum və mübarizəni dayandırdım. Birinci görüşdə, ümumiyyətlə, çox pis mübarizə apardım. İkinci qarşılaşmada isə nisbətən normal oynadım. Belə şeylər olur. Əslində normal deyil. Səhvlərimi bilirəm, onların üzərində işləyəcəyəm. İl yeni başlayıb. Növbəti turnirlər üçün daha yaxşı çalışacağam".

Qeyd edək ki, Ayan Allahverdiyeva 2024-cü ilin fevralında karyerasında ilk dəfə qadın şahmatçılar arasında Azərbaycan çempionu olmuşdu.

Oxşar xəbərlər

Azərbaycan şahmatçısı: "Dünya çempionatında ilk oyunlardan nəyinsə yolunda getmədiyi açıq-aşkar görünürdü"

Azərbaycan millisinin baş məşqçisi: "Cüdoçularımız Gimnaziadada yaxşı təcrübə qazandılar"