Sabah gənc boksçular arasında Azərbaycan birinciliyinə start veriləcək.

"Sizinxeber.az" xəbər verir ki, Boks Mərkəzində təşkil olunacaq yarışda oğlanlarda 13, qızlarda 2 çəki dərəcəsi üzrə mükafatçılar müəyyənləşəcək.

Çempionata respublikanın müxtəlif şəhər və rayonlarının klublarını, həmçinin idman cəmiyyətlərini təmsil edən 64 komandanın 278 oğlan, 26 qız boksçusu qatılacaq. Yarışın açılış mərasimi saat 12:00-da, döyüşlər saat 12:15-da başlanacaq. Qaliblərin adına isə yanvarın 19-da aydınlıq gələcək.

Yarış çərçivəsində həmçinin qızlar arasında Boks Federasiyasının seçmə turniri də baş tutacaq və 6 çəkidə ən güclülər dəqiqləşəcək.

Mükafatçılar yığmanın heyətinə cəlb olunacaq və beynəlxalq yarışlarda ölkəmizi təmsil edəcəklər.

Qeyd edək ki, birinciliyin baş hakimi Anar Babanlı olacaq.

Oxşar xəbərlər

Sabah boks üzrə Azərbaycan çempionatı başlayır

Boks üzrə Azərbaycan çempionatının açılış mərasimi keçirilib

Bakıda cüdo üzrə şəhər birinciliyi keçiriləcək

Azərbaycanın üç boksçusu dünya birinciliyinə qələbə ilə start verib

Bakıda boks üzrə Çempionlar Gecəsi təşkil olunacaq