Babək rayon Şəkərabad kənd sakini 1978-ci il təvəllüdlü Leyla Qoçəliyevanın ölməsi barədə rayon prokurorluğuna məlumat daxil olub.

"Report"un yerli bürosu xəbər verir ki, bu barədə Naxçıvan Muxtar Respublikası (MR) prokurorluğunun məlumatında bildirilib.

Qeyd edilib ki, araşdırmalarla Babək rayon Şəkərabad kənd sakini 2001-ci il təvəllüdlü Nihad Qoçəliyevin Leyla Qoçəliyevanı kəsici-deşici alətlə xəsarətlər yetirərək qəsdən öldürməsinə əsaslı şübhələr müəyyən edilib.

Nihad Qoçəliyev polis əməkdaşları tərəfindən saxlanılaraq istintaqa təhvil verilib və rayon prokurorluğu tərəfindən şübhəli şəxs qismində tutulub.

Faktla bağlı Babək rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq ibtidai istintaq aparılır.

Qeyd edək ki, Leyla Qoçəliyeva Nihat Qoçəliyevin anasıdır.

Oxşar xəbərlər

Naxçıvan sakini həmkəndlisini öldürməkdə şübhəli bilinir

Bakıda qəsdən adam öldürməkdə şübhəli bilinən şəxs tutulub

Qobuda qonşusunu öldürməkdə şübhəli bilnən şəxs saxlanılıb

Bakıda qəsdən adam öldürməkdə şübhəli bilinən şəxs tutulub - YENİLƏNİB

Göyçayda 26 yaşlı kişi qətlə yetirilib, cinayət işi başlanılıb - YENİLƏNİB