Lənkəranda avtomobilin vurduğu qadın Bakıya aparılarkən yolda ölüb.

“Sizinxeber.az”un Cənub bürosunun verdiyi məlumata görə, hadisə Lənkəran-Boradigah-Masallı magistralının Lənkəran rayonunun Şağlaser kəndindən keçən hissəsində baş verib. Belə ki, Lənkəran rayonunun Xarxatan kənd sakini, 1976-cı il təvəllüdlü Xanım Məhərrəm qızı Nəsirova avtobusdan düşüb yolu keçəndə Ruslan Elşən oğlu Ağayev idarə etdiyi "Audi" markalı avtomobil onu vurub.

Yaralı xəstəxanaya çatdırılıb. Ona beyinin ənsə payının böyük həcmli yarası, qapalı kəllə-beyin travması diaqnozu qoyulub və ilkin reanimasion tədbirlərdən sonra paytaxt xəstəxanalarından birinə yola salınıb. Lakin vəziyyəti ağır qiymətləndirilən yaralı yolda ölüb.

Faktla bağlı araşdırma aparılır.

Oxşar xəbərlər

Abşeronda avtomobilin vurduğu piyada ağır xəsarət alıb

Sumqayıtda avtomobilin vurduğu piyada 8 gün sonra xəstəxanada ölüb

Sumqayıtda avtomobilin bir neçə gün əvvəl vurduğu piyada xəstəxanada ölüb

Ötən il avtomobilin vurduğu piyada bu gün xəstəxanada ölüb

Xırdalanda avtomobilin vurduğu piyada xəstəxanada ölüb