Daşkəsəndə narkotiklərin qanunsuz dövriyyəsində şühbəli bilinən “Chevrolet” markalı avtomobilin sürücüsü polisin “saxla” işarəsinə baxmayaraq, hadisə yerindən yayınan zaman piyada, 1962-ci il təvəllüdlü rayon rakini Raqif Hüseynovu vuraraq oradan uzaqlaşıb.

DİN Mətbuat Xidmətinin Gəncə regional qrupunun baş inspektoru, polis mayoru Eşqin Qasımovun Sizinxeber.az-ya verdiyi məlumata görə, keçirilən tədbirlər nəticəsində sürücü Hüseyn Abbasov və avtomobildə olan sərnişin əvvəllər məhkum olunmuş Kənan Məmmədov saxlanılıblar. K.Məmmədovdan psixotrop maddə metamfetamin və marixuana aşkarlanaraq maddi sübut kimi götürülüb.

Əməliyyat tədbirlərinin davamı olaraq K. Məmmədovdan Daşkəsən rayonu ərazisində gizlətdiyi 125 qram narkotik vasitə heroin aşkar olunaraq götürüb.

Faktlarla bağlı araşdırmalar davam etdirilir.

Oxşar xəbərlər

Xaçmazda “Mercedes” mopedi vurub, sürücü ölüb

Bakıda avtomobil ana və 3 yaşlı oğlunu vurub, azyaşlı ölüb

Qusarda narkotik satışına görə 2 nəfər tutulub

Zurabişvili hakim partiyanı “gürcü kabusu” adlandırıb

İmişlidə ov edən şəxs saxlanılıb