Bakıxanov qəsəbəsində avtomobil piyadanı vuraraq yaralayıb

Bakının Sabunçu rayonunda piyadanın xəsarət alması ilə nəticələnən yol-nəqliyyat hadisəsi baş verib.

“Sizinxeber.az”un məlumatına görə, hadisə rayonun Bakıxanov qəsəbəsində qeydə alınıb.

1994-cü il təvəllüdlü İbrahimov Rafael Rasim oğlu yolu keçərkən onu avtomobil vurub. Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona qapalı kəllə-beyin travması diaqnozu qoyulub.

Faktla bağlı araşdırma aparılır.