Bakıda güclü külək avtomobilə və binaya ziyan vurub - FOTO

Bakıda güclü külək ağacı kökündən qoparıb.

Sizinxeber.az xəbər verir ki, hadisə Yasamal rayonu ərazisində, Nabat Aşurbəyova küçəsində qeydə alınıb.

Təbii hadisə zamanı iri gövdəli ağac kökündən qoparaq ərazidəki elektrik naqillərinə ziyan vurub.

Aşan ağac həmin küçədə parklanmış vəziyyətdə olan “Hyundai” markalı, 90 HJ 678 dövlət qeydiyyat nişanlı minik avtomobilin üzərinə düşüb.

Nəticədə nəqliyyat vasitəsinə ciddi ziyan dəyib. Həmçinin ərazidəki yaşayış binasının eyvanı da zədələnib.