Lənkəranda külək irigövdəli ağacı magistral yola aşırıb, 850 abonent işıqsız qalıb - FOTO

Lənkəranda güclü külək Lənkəran-Boradigah-Masallı magistralının Vilvan kəndi ərazisində irigövdəli ağacı yola aşırıb.

APA-nın cənub bürosunun verdiyi məlumata görə, nəticədə, kəndin elektrik təsərrüfatına ciddi ziyan dəyib, 850 abonent işıqsız qalıb.

Əraziyə aidiyyəti qurumlar cəlb olunub. Ağacın magistral yoldan götürülməsi və kəndin elektrik enerjisinin bərpası üçün işlər aparılır.