Şəkidə 6 otaqlı fərdi yaşayış evində yanğın olub.

APA-nın Şimal-qərb bürosunun məlumatına görə, axşam saatlarında Şəki şəhəri H. Sarabski küçəsində Akif Süleyman oğlu Hacıbabayevə məxsus ümumi sahəsi 615 kv/m olan kürsülü birmərtəbəli 6 otaq, şüşəbənd və eyvandan ibarət fərdi yaşayış evinin mətbəx hissəsində yanğın baş verib.

Yanğın söndürülməsi üçün hadisə yerinə Şəki rayon Dövlət Yanğından Mühafizə Hissəsinin texnikası və şəxsi heyəti cəlb edilib.

Yanğının genişlənməsinin qarşısı dərhal alınıb. Yanğın nəticəsində evin mətbəxinin yanar konstruksiyaları və içərisində olan əşyalar qismən yanıb.

Yanğın zamanı xəsarət alan olmayıb.

Faktla bağlı araşdırma aparılır.

Oxşar xəbərlər

Zaqatalada fərdi yaşayış evində yanğın baş verib

Zaqatalada yaşayış evi yanıb - VİDEO

Zaqatalada fərdi yaşayış evində yanğın olub

Şəkidə təmirə gələn avtomobil yanaraq yararsız hala düşüb

Balakəndə məktəbin anbarında yanğın olub