Bakıda vəkilin intihar etməsi faktı ilə bağlı cinayət işi açılıb.

Bu barədə “Report”a Baş Prokurorluğun Mətbuat xidmətindən bildirilib.

Qeyd olunub ki, Vəkil Zaur Məmmədovun yanvarın 1-də saat 19 radələrində intihar etməsi faktı üzrə Nərimanov rayon prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsilə cinayət işi başlanaraq təxirəsalınmaz istintaq tədbirləri həyata keçirilir.

Qeyd edək ki, Salyan Vəkil bürosunun vəkili Məmmədov Zaur İsa oğlu üzərinə tezalışan maddə tökərək yandırıb. O, hadisə yerində ölüb.

Vəkillər Kollegiyasının sədri Anar Bağırov isə bəyan edib ki, qurum ilə vəkil arasında hər hansı isə problem baş verməyib və onun barəsində intizam işi olmayıb.

Oxşar xəbərlər

Prokurorluqdan vəkilin intiharı ilə bağlı məlumat

Anar Bağırov Bakıda vəkilin intihar etməsinə münasibət bildirdi

Şabranda 45 yaşlı kişi intihar edib

Gəncə sakini intihar edib

12 il əvvəl prorektorun ölümünə görə institut direktoru və qohumu həbs olunub