İmişlidə 9 aydır itikin düşən 11 yaşlı Rasim Xankişiyevin yaxınları və həmkəndliləri Qaragüvəndikli kəndinin avtomobil yolunu bağlayaraq etiraz aksyası keçirirlər.

APA-nın Mil-Muğan bürosu xəbər verir ki, aksiya səhər saatlarından başlayıb və hələ də davam edir.

Rasimin atası Vasif Xankişiyev bildirib ki, 9 aydır oğlunun itkin düşməsi ilə bağlı istintaqın gedişatında heç bir irəliləyiş yoxdur: “İşin açılmasında vacib rol oynayan insanlar istintaqa cəlb olunmur. Ona görə də istntaqın hərəkətsizliyinə etiraz olaraq məcbur qalıb yolu bağlamaq qərarı verdik ki, şikayətçi olduğumuz şəxlər istintaqa cəlb edilsinlər”.

Qeyd edək ki, 2013-cü il təvəllüdlü Xankişiyev Rasim Vasif oğlunun ötən il dekabrın 26-da İmişlidə Boztəpə kanalında batması ehtimal olunur.

Faktla bağlı Cinayət Məcəlləsinin 125-ci maddəsi ilə cinayət işi açılıb.

Oxşar xəbərlər

Baş prokuror İmişlidə 7 aydır itkin düşən 11 yaşlı Rasimin atasını və ailənin nümayəndəsini ikinci dəfə qəbul edib

İmişlidə 10 yaşlı uşaq kanala düşüb, axtarış aparılır - YENİLƏNİB-1 - VİDEO

Bir ay əvvəl itkin düşən şəxsin meyiti Kür çayında tapılıb

İmişlidə müəllim intihar edib

İmişlidə 21 yaşlı şəxs ağacdan asılmış vəziyyətdə tapılıb