Qusarda yanğın təhlükəli şadlıq sarayının fəaliyyəti dayandırılıb.

Fövqəladə Hallar Nazirliyinin Mətbuat xidmətindən APA-ya verilən xəbərə görə, Dövlət Yanğın Nəzarəti Xidməti tərəfindən Qusar şəhərində yerləşən “Pəri” şadlıq sarayında keçirilən yoxlama zamanı yanğın təhlükəsizliyi sahəsində çoxsaylı nöqsanların mövcud olduğu, həmin nöqsanların insan həyatı və ya sağlamlığına, ətraf mühitə və dövlətin əmlak maraqlarına birbaşa təhlükə yaratdığı müəyyən edilib.

Bildirilib ki, mövcud vəziyyət onu göstərir ki, obyektin istismarının davam etdirilməsi nəticəsində orada hər an baş verə biləcək yanğın qısa müddətdə genişlənərək faciəni qaçılmaz edəcək.

Yanğın təhlükəsizliyi norma və qaydalarının tələblərinin kobud pozulması faktları aşkar edilmiş şadlıq sarayının fəaliyyətinin dayandırılması barədə qərar qəbul olunub.

Oxşar xəbərlər

Xaçmazda yanğın təhlükəli şadlıq sarayının fəaliyyəti dayandırılıb - VİDEO

Qubada yanacaqdoldurma məntəqəsinin fəaliyyəti dayandırılıb - VİDEO

Bakıda şadlıq sarayının fəaliyyəti dayandırılıb - VİDEO

Bakıdakı “İdeal” şadlıq evinin fəaliyyəti dayandırılıb - VİDEO

Sumqayıtda "Dədə Qorqud" şadlıq evinin fəaliyyəti dayandırılıb