Fövqəladə Hallar Nazirliyi Yasamalda baş verən zəncirvari qəza ilə bağlı məlumat yayıb.

Nazirliyinin mətbuat xidmətindən "Report"a bildirilib ki, "112" qaynar telefon xəttinə Bakı şəhəri, Yasamal rayonu, Ə.Əhmədov küçəsində zəncirvari yol-nəqliyyat qəzasının baş verməsi səbəbindən avtomobildə yanğın olması barədə məlumat daxil olub və dərhal FHN-in Dövlət Yanğından Mühafizə Xidmətinin qüvvələri əraziyə cəlb olunub.

Hadisə zamanı “Toyota Camry” markalı minik avtomobilinin mühərrik hissəsi yanıb. Həmçinin, yol-nəqliyyat qəzası zamanı avtomobillərdən əraziyə dağılmış yanacaq yuyularaq müvafiq təhlükəsizlik tədbirləri həyata keçirilib.

Hadisə ilə əlaqədar aidiyyəti qurumlar tərəfindən təhqiqat aparılır.

Bakının Yeni Yasamal ərazisində zəncirvari yol qəzası baş verib.

“Report” xəbər verir ki, idarəetməni itirən sərnişin avtobusunun sürücüsü nəqliyyat vasitəsini yolun kənarında dayanan maşınlara çırpıb.

Nəticədə 10-dan çox avtomobilə ziyan dəyib. Əraziyə Dövlət Yol Polisi əməkdaşları, Fövqəladə Hallar Nazirliyinin yanğınsöndürənləri və təcili yardım briqadası cəlb olunub.

Faktla bağlı araşdırma aparılır. İlkin məlumata görə, sərnişin avtobusunun əyləc sistemində nasazlıq yaranıb.

Oxşar xəbərlər

Bakıda sərnişin avtobusu 10-dan çox maşını əzib - VİDEO [xfgiven_updateblue][/xfgiven_updateblue]

Hacıqabulda avtomobil yanıb [xfgiven_updateblue][/xfgiven_updateblue]

İmişlidə yol qəzasında avtomobildə sıxılı vəziyyətdə qalmış vətəndaş xilas edilib - VİDEO [xfgiven_updateblue][/xfgiven_updateblue]

Masazırda mənzildə yanğınla nəticələnən partlayış olub [xfgiven_updateblue][/xfgiven_updateblue]

Yeni Saray qəsəbəsində yük avtomobili ilə avtobus toqquşub [xfgiven_updateblue][/xfgiven_updateblue]