Bakı-Sumqayıt yolunda maşın piyadanı vurub

Bakı-Sumqayıt yolunda maşın piyadanı vurub.

APA xəbər verir ki, hadisə yolun Xırdalan ərazisindən keçən hissəsində qeydə alınıb.

Hadisə zamanı "Renault" markalı avtomobil, piyadalar üçün nəzərdə tutulmayan ərazidən yolu keçməyə çalışan 1947-ci il təvəllüdlü Süleymanov Məhəmmədi vurub.

Nəticədə, piyada müxtəlif dərəcəli bədən xəsarətləri alaraq xəstəxanaya yerləşdirilib.

Faktla bağlı araşdırma aparılır.