"Müsəlmanların diskriminasiyaya məruz qalmasına səbəb olan hadisələr çox zaman da özünü islama aid edən şəxslər tərəfindən törədilir. Biz bu nifrət və islamdan qorxu hisslərinin biz dövlətlər səviyyəsində qanuniləşdirildiyini müşahidə edirik”.

Sizinxeber.az xəbər verir ki, bunu Beynəlxalq Müsəlman Alimlər Birliyinin vitse-prezidenti Abdelmacid Nacar "Avropada anti-müsəlman qanunvericiliyinin institutlaşdırılması. Radikallaşma fonunda islamofob ritorika" mövzusunda panel müzakirəsində deyib.

O, Fransa nümunəsinə istinad edərək, bu ölkədə qəbul olunan qanunla dini rəmzlərdən istifadə qadağan edilməsinə toxunub:

"Lakin bütün bu hadisələrə baxmayaraq, islam dinini qəbul edənlərin sayı artır. İslama qarşı nifrət və qorxu hisslərinin aşılanmasında media xüsusi rol oynamaqdadır. Bunu edənlər daxilindəki mənfi niyyətlərini həyata keçirirlər. Hələ üstəlik, buna qanuni don geyindirilir. Adətən bunu kamillik və əmin-amanlığın, habelə qanunun aliliyinin qorunması adları altında təqdim edirlər. Məsələn, Fransada qəbul olunan qanunlardan birində dini rəmzlərdən istifadə qadağan edilib. Bu qanunlar əslində İslam dinini və müsəlmanları hədəfə alır. Məsələn, bir sıra ölkələrdə əcnəbilərin işlə təminatı və hətta evdə distant təhsil alması da qadağan edilir. Bununla yanaşı, islamçı fəallar deportasiyaya məruz qalır. Bütün bunlar qarşısında bizim üzərimizə böyük yük düşür. Düşünürəm ki, bu cür mənfi təzahürlərə qarşı ciddi müzakirə aparmalıyıq. Bu gün islamofob təhlükə bu gün çox yüksəkdir. Xüsusilə bunu Qəzzada baş verənlər fonunda görə bilərik".

O vurğulayıb ki, bu kimi addımların məqsədi islamofobiyanı daha da alovlandırmaqdır.

Oxşar xəbərlər

Türkiyə XİN: 2023-cü ildən bəri İslama qarşı 850-dən çox nifrət cinayəti törədilib

ISESCO-nun Departamentin direktoru: Bir sıra dövlətlər Beynəlxalq Ədalət Məhkəməsinin qərarlarını görməzdən gəlir

Prezident İlham Əliyev: Azərbaycan islamofobiya ilə mübarizəyə dair BMT-nin qətnamələrini alqışlayır

BMT Baş katibinin xüsusi nümayəndəsi: İslamofobiya ilə mübarizənin bir aləti də təhsil olmalıdır

Prezident: Bəzi təsisatlar qərəz və ikili standartlara üstünlük verərək anti-müsəlman əhvali-ruhiyyəsini təlqin edirlər