Prezident seçkiləri ilə bağlı Mərkəzi Seçki Komissiyası tərəfindən lazımi addımlar atılır.

Trend-in məlumatına görə, bunu Mərkəzi Seçki Komissiyasının sədri Məzahir Pənahov rəhbərlik etdiyi qurumda dairə seçki komissiyalarının sədrləri üçün keçirilən müşavirədə deyib.

O qeyd edib ki, MSK üzərinə düşən tədbirləri yüksək səviyyədə həyata keçirir.

M.Pənahov bildirib ki, seçkilərin hazırlanıb keçirilməsi ilə bağlı ölkədə ictimai siyasi sabitlik var. “Seçkilərin keçirilməsi üçün Azərbaycanda beynəlxalq səviyyədə qanunvericilik mövcuddur. Şəffaflıq baxımından da bizim göstəricilər beynəlxalq standarlara uyğundur”, - deyə M.Pənahov əlavə edib.

MSK sədri əlavə edib ki, seçki komissiyaları üçün yaradılan şərait nümunəvidir: “Eyni zamanda seçkiləri müşahidə etmək üçün müraciətlərə müsbət cavab verilir. Həmçinin MSK beynəlxalq müşahidəçilərə müraciət göndərir. Azərbaycanda seçkilərdə vebkameralar tətbiq edilir. Şəffaflıq baxımından vebkameralardan üstün bir şey ola bilməz. Mindən artıq seçki məntəqələrində vebkameralar quraşdırılır”.

Oxşar xəbərlər

Müəyyən qərəzli beynəlxalq qurumlar var ki, seçkilərdən sui istifadə edirlər

Bu seçkilər yüzilliklərə düşən seçkilər olacaq

Seçkilərin hər mərhələsində daha da irəli getmişik

Azad edilən ərazilərdə seçki məntəqələri yaradılıb

Dairə seçki komissiyalarının tərkibi niyə dəyişdirildi? - RƏSMİ AÇIQLAMA