İslamofobiya ilə mübarizədə gənclərin əvəzsiz rolu var. Onlar bu mübarizədə ideya və təşəbbüslər irəli sürür, onları həyata keçirmək üçün addımlar atırlar.

“Report” xəbər verir ki, bunu Əl-Hokama Sülh Araşdırmaları Mərkəzinin direktoru, Müsəlmanların İcra Aparatının üzvü Samir Boundinar Bakıda "İslamofobiya diqqət mərkəzində: Qərəzin ifşası, stiqmaların dağıdılması" mövzusunda keçirilən beynəlxalq elmi konfransın panel sessiyasında deyib.

Onun sözlərinə görə, gənclərin islamofobiya ilə mübarizədə təsir imkanlarını genişləndirmək üçün addımlar atılmalıdır:

"İslamofobiya şüurlu şəkildə yaradılıb və təkcə müsəlmanlara mənfi təsir etmir. Bu, bütün insanlıq üçün təhdiddir. Gənclərin bu sahədə rolunu artırmaq üçün Qərb ölkələrində islamofobiyanın hansı formalarından istifadə olunduğuna dair ictimai rəy sorğuları keçirilməli və hüquqi yanaşmaya da yer verilməlidir. İslamofobiya ilə mübarizədə hüquqi yanaşma önəmli və həlledici rol oynayır".

S.Boundinar qeyd edib ki, gənclər üçün Qərb cəmiyyətlərində çətinliklər mövcuddur:

"Qərb ölkələrində sözügedən mövzu ilə bağlı yetərincə çətinliklər var və gənclər bu çətinliklərdən əziyyət çəkirlər. İnstitutlar daxilindən gənclərin bu mübarizəyə cəlb olunması xüsusi önəm daşıyır".

Oxşar xəbərlər

Mərkəz sədri: İslamofobiya təkcə müsəlmanlara deyil, insan hüquqlarına qarşı bir təhdiddir

Yunanıstan nümayəndəsi: İslamofobiya cəmiyyətin bütün təbəqələrinə nüfuz edən zəhərdir

Ramin Məmmədov: Azərbaycan islamofobiya ilə mübarizədə özünün öhdəliklərini bilir və icra edir

Fərid Şəfiyev: Bakı islamofobiya ilə mübarizədə siyasi və elmi mərkəzə çevrilir

Məhəmməd bin Əbd Rabbo əl-Yami: İƏT islamofobiya ilə mübarizəyə xüsusi əhəmiyyət verir