"Xüsusilə mediada müsəlmanlara qarşı qərəzli yanaşma sərgilənir. Biz bunu Vətən müharibəsi zamanı görmüşük".

APA xəbər verir ki, bu barədə Bakıda təşkil olunan "İslamofobiya: Qərəzin ifşa olunması və stiqmaların dağıdılması" adlı beynəlxalq tədbirin "İslamofobiya Media və Rəqəmsal Platformalarda: Süni İntellekt Sistemləri İslamofob fikirləri necə tətbiq edib gücləndirə bilər" mövzusunda panelində UNA-nın direktor müavini Mohammaed bin Abd Rabbo Al-Yaminin adından çıxış edən nümayəndəsi bildirib.

O deyib ki, xüsusilə Azərbaycanın apardığı Vətən müharibəsi zamanı xüsusilə Fransa Azərbaycana qarşı qərəzli yanaşma sərgiləyib:

"Eyni yanaşma Qəzzadakı faciəvi hadisəyə yanaşmada da özünü göstərib. Bir çox qərb media qurumları Qəzzadakı hadisələrə son dərəcə qərəzli yanaşıb:

"Bunun siyasi və tarixi səbəbləri var. Sanki fələstinlilərin hüquqlarının pozulması onlara heç bir təsir göstərmir. Mən hesab edirəm ki, media qurumları bu işdə fəallıq və ədalət nümayiş etdirməli, hər şeyi olduğu kimi göstərməlidir".

Oxşar xəbərlər

Mərkəz rəhbəri: Dünyada müsəlmanlara qarşı baş verən insidentlərin 17 faizi şiddətlə müşahidə olunur

İcraçı direktor: İslamofobiyaya həsr edilmiş konfrans çıxış yollarının tapılması üçün imkandır

BMT Baş katibinin xüsusi nümayəndəsi: İslamofobiya ilə mübarizənin bir aləti də təhsil olmalıdır

Azərbaycan Prezidenti: İslamofobiya müsəlmanların cəmiyyətə inteqrasiya olunmalarına böyük maneə yaradır

Prezident İlham Əliyev: Azərbaycan islamofobiya ilə mübarizəyə dair BMT-nin qətnamələrini alqışlayır