Qırğızıstan və Azərbaycanın Baş prokurorları Maksat Asanəliyev və Kamran Əliyev arasında əməkdaşlıq sazişi və 2025-2026-cı illər üçün əməkdaşlıq proqramı imzalanıb.

"Report" Qırğızıstan KİV-ə istinadən xəbər verir ki, görüş Şanxay Əməkdaşlıq Təşkilatı (ŞƏT) ölkələrinin Baş Prokurorlarının 22-ci iclası və Türk Dövlətləri Təşkilatının Baş Prokurorlar Şurasının 3-cü iclası çərçivəsində baş tutub.

“Saziş və əməkdaşlıq proqramı Qırğızıstan və Azərbaycanın nəzarət orqanları arasında qanunvericilik sahəsində qarşılıqlı fəaliyyəti gücləndirmək üçün nəzərdə tutulub. Sənədlərdə təcrübə və məlumat mübadiləsi, birgə tədbirlər, o cümlədən prokurorluq fəaliyyətinin səmərəliliyinin artırılmasına yönəlmiş layihələrin həyata keçirilməsi nəzərdə tutulur”, - Qırğızıstan Baş Prokurorluğunun mətbuat xidməti qeyd edib.

M.Asanəliyev qeyd edib ki, sənədlərin imzalanması münasibətlərdə yeni mərhələdir: “Bu, həm də asayişi möhkəmləndirmək, vətəndaşlarımızın qanuni mənafelərini qorumaq bizim ümumi istəyimizi nümayiş etdirir”.

Öz növbəsində Azərbaycanın Baş prokuroru qeyd edib ki, nəzarət orqanları yaxşı əməkdaşlıq edirlər: “Sizin qurumla münasibət çox yaxşı, məhsuldardır. Hər hansı cinayət işində yardım göstərilərkən problem yaşandığını xatırlamıram”.

Oxşar xəbərlər

Bu il Bakıda Beynəlxalq Prokurorlar Assosiasiyasının 29-cu konfransı keçiriləcək

Ermənistan və Yunanıstan arasında hərbi əməkdaşlıq haqqında saziş imzalanıb - FOTO

Sadır Japarov: “Qırğızıstanla Azərbaycan arasında münasibətlər görünməmiş səviyyəyə çatıb”

Azərbaycan-Qırğızıstan İnkişaf Fondu biznesdə birgə fəaliyyəti dəstəkləyəcək

TDT ilə TİKA arasında Anlaşma Memorandumu imzalanıb