lCESCO-nun xətti ilə Azərbaycan öz dəyərlərini beynəlxalq ictimayəttə çatdıra bilir.

Qərbi Azərbaycan İcmasının fəaliyyətləri və ICESCO ilə əməkdaşlıq

APA xəbər verir ki, bunu Qərbi Azərbaycan İcmasının sədri Əziz Ələkbərli jurnalistlərə açıqlamasında deyib.

Onun sözlərinə görə, ICESCO rəhbərliyi ilə görüş zamanı Qərbi Azərbaycanda yaşamış azərbaycanlıların tarixi irsi, onların hüquqları və bu istiqamətdə görülən işlər diqqətə çatdırılacaq.

Azərbaycanın ICESCO ilə sıx əməkdaşlığı və milli dəyərlərin təbliği

Əziz Ələkbərli həmçinin qeyd edib ki, ICESCO ilə Azərbaycan arasında sıx əməkdaşlıq mövcuddur: "Azərbaycan ICESCO xətti ilə elm, təhsil və mədəniyyət sahəsindəki milli dəyərlərini beynəlxalq ictimaiyyətə çatdırmaqla yanaşı, bu dəyərlərin təbliği və qorunması istiqamətində də geniş fəaliyyət göstərir", – İcma sədri vurğulayıb.

Qərbi Azərbaycandakı mədəni irsin qorunması və beynəlxalq təşkilatların dəstəyi

Əziz Ələkbərli bildirib ki, ICESCO-nun imkanlarından istifadə edərək Qərbi Azərbaycandakı Azərbaycan mədəni irsi nümunələrinin dağıdılması prosesinin qarşısı alınması prioritetdir.

Onun sözlərinə görə, Qərbi Azərbaycan ərazisindəki mədəni irs nümunələri təkcə Azərbaycan xalqının deyil, həm də İslam dünyasının və ümumilikdə dünya mədəni irsinin bir hissəsidir: "Bu abidələrin dağıdılması yalnız Azərbaycan mədəniyyətinə qarşı deyil, eyni zamanda dünya mədəni irsinə qarşı törədilmiş bir cinayətdir. Qərbi Azərbaycan İcmasında bu abidələrin dəqiq qeydiyyatı aparılıb və onların vəziyyəti barədə məlumatları ICESCO-ya təqdim edəcəyik. Məqsədimiz odur ki, ICESCO-nun imkanlarından istifadə edərək Qərbi Azərbaycandakı Azərbaycan və müsəlman mədəni irsi nümunələrinin dağıdılması prosesinin qarşısı alınsın."

Təpəbaşı məscidi ilə bağlı UNESCO-ya müraciət

Əziz Ələkbərli əlavə edib ki, Abbasqulu Xan İrəvanskinin inşa etdirdiyi Təpəbaşı məscidi ilə bağlı da UNESCO-ya, həmçinin beynəlxalq təşkilatlara müraciət olunub: "Həmin ərazilərdə mədəni irs nümunələrinin qorunması və abidələrin dağıdılmasının qarşısının alınması üçün öz səsimizi uçaltmışıq", – deyə o qeyd edib.

Oxşar xəbərlər

Baş direktor: Azərbaycanda ICESCO-nun regional ofisini yaradacağıq

Qərbi Azərbaycandakı mədəniyyət abidələrinin vəziyyəti ilə bağlı lCESCO-ya məlumatlar təqdim ediləcək

ICESCO-nun Baş direktoru Azərbaycana gəlib