Rusiya Xarici İşlər Nazirliyi Bakıdakı “Rus Evi”nin fəaliyyətinə xitam verilməsi barədə Azərbaycandan nota aldığını təsdiqləyib.

APA-nın Moskva müxbiri xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçidiyi brifinqdə bildirib.

“Bəli, həqiqətən də diplomatik kanallarla biz notanı almışıq. Mən bunu təsdiqləyə bilərəm”, - Rusiya XİN sözçüsü vurğulayıb.

Zaxarova qeyd edib ki, Rusiya Azərbaycanın notasına cavab olaraq “Rus Evi” qeydiyyatı üçün lazımı işləri görməyə hazır olduğunu bəyan edib: “Bunu əlbəttə ki, Azərbaycanın qanunvericiliyinə uyğun olaraq və ikitərəfli hökumətlərarası saziş əsasında etməyə hazırıq. Biz dəfələrlə diplomatik kanallarla müvafiq məsləhətləşmələr çərçivəsində bu məsələni müzakirə etməyi təklif etmişik. Bu təkliflər yazılı şəkildə Azərbaycan tərəfinə göndərilib. Ona görə də, biz ümid edirik ki, bu məsələ müsbət əsasda həll olunacaq”.

Oxşar xəbərlər

Zaxarova rusiyalı politoloqun Ermənistana girişinə qadağa qoyulmasına münasibət bildirib

Zaxarova: Ermənistanla KTMT çərçivəsində tərəfdaşlığımızın tam bərpa olunacağına ümid edirik

Rəsmi Moskva politoloq Andranik Miqranyanın Ermənistana girişinin qadağan edilməsini qeyri-dost addım adlandırıb

Azərbaycan “Rus Evi”nin fəaliyyətinə xitam verilməsi barədə Rusiyaya nota göndərib

Rusiya XİN: Moldovanın rumınlaşdırılması prosesi gedir