Bu gün hörmətli həmkarımla beynəlxalq təşkilatlarda Azərbaycan-Gürcüstan arasında olan münasibətlər, ölkələrin bir-birləri dəstəkləməsi məsələsi də müzakirə edilib.

Sizinxeber.az xəbər verir ki, bunu Azərbaycanın xarici işlər naziri Ceyhun Bayramov Gürcüstanın xarici işlər naziri Maka Boçorişvili ilə birgə mətbuat konfransında deyib.

Nazir bildirib ki, bu gün Cənubi Qafqazda təhlükəsizlik məsələləri də müzakirə predmeti olub: “Azərbaycanla Gürcüstan hər zaman beynəlxalq hüquqa həssaslıqla yanaşıb və biz hər zaman bir-birimizin ərazi bütövlüyünü dəstəkləmişik və dəstəkləməyə də davam edirik. Əfsus ki, bölgənin digər dövləti Ermənistan barəsində bunu deyə bilmərik. Yalnız 44 günlük Vətən müharibəsi və bir günlük antiterror əməliyyatı nəticəsində Azərbaycan öz ərazi bütövlüyünü və suverenliyini bərpa edib. Uzun illər ərzində torpaqlarımızın işğal altında olması, insanlarımızın həmin bölgələrdən didərgin salınması, mədəni abidələrimizə qarşı vandallıq törədilməsinə baxmayaraq, Azərbaycan Ermənistana sülh müqaviləsi üzərində işləməyi təklif edib. Bu təşəbbüs ümumi evimiz olan Cənubi Qafqazda sülh və əmin-amanlığın təmin edilməsi üçün irəli sürülüb”.

Oxşar xəbərlər

XİN rəhbəri: Gürcüstan hər zaman Azərbaycanın yanındadır

XİN: İran üçün Cənubi Qafqazda təhlükəsizlik vacibdir

Azərbaycan səfiri Gürcüstanın XİN başçısı ilə regional məsələləri müzakirə edib

Gürcüstan Baş naziri: Azərbaycanla Ermənistan arasında sülh prosesini alqışlayırıq

Ceyhun Bayramov: Azərbaycan və Serbiya bir-birinin ərazi bütövlüyünə və suverenliyinə qarşılıqlı dəstək göstərir