Çin Azərbaycanla əməkdaşlığın daha da inkişaf etdirilməsində və genişləndirilməsində maraqlıdır.

"Report" xəbər verir ki, bunu Çinin Azərbaycandakı səfiri Qo Minin “Baharı salamlayan Əjdaha. Çin Yeni ili festivalı” adlı tədbirin açılışı zamanı deyib.

"Çin Sədri Si Cinpin və Azərbaycan Prezidenti İlham Əliyev iki ölkə arasında güclü əməkdaşlığın əsasını qoyublar. Ölkəmiz bundan sonra da Azərbaycanla əməkdaşlığa və əlaqələri möhkəmləndirməyə hazırdır", - o vurğulayıb.

Milli Məclisin Ailə, qadın və uşaq məsələləri komitəsinin sədri Hicran Hüseynova isə vurğulayıb ki, iki ölkə arasında münasibətlər təkcə iqtisadi baxımdan deyil, həm də yeni geosiyasi reallıqların nəzərə alınması baxımından vacibdir: "Milli Məclisdəki Azərbaycan-Çin parlamentlərarası dostluq qrupu ən böyük qrupdur. Çindən Azərbaycana tez-tez nümayəndə heyətləri gəlir. Bu, əməkdaşlığın daha da inkişafı üçün yeni imkanlar açır".

Oxşar xəbərlər

İraq Prezidenti: "Azərbaycanla əlaqələrimizi daha da gücləndirməkdə çox qətiyyətliyik"

Mərkəzi Asiya Azərbaycanla daha güclü tərəfdaşlıqda maraqlıdır - Tacikistan üçün yeni imkanlar

İlham Əliyev Azərbaycanla Mərkəzi Asiya ölkələri arasında əməkdaşlığın yeni sahəsini açıqlayıb

Serbiya Milli Assambleyasının sədri: "Azərbaycanla strateji tərəfdaşlığa əsaslanan dostluq əlaqələrimiz mövcuddur"

"Bu uşaqları kişilər doğurlar?" - Komitə sədri