NATO Azərbaycanla Ermənistan arasında münasibətlərin normallaşması istiqamətində səyləri dəstəkləyir.

"Sizinxeber.az"un məlumatına görə, bunu NATO baş katibinin siyasi məsələlər və təhlükəsizlik siyasəti üzrə köməkçisinin müavini, NATO baş katibinin Qafqaz və Mərkəzi Asiya üzrə xüsusi nümayəndəsi Xavyer Kolomina deyib.

O bildirib ki, Alyans Azərbaycanla Ermənistan arasında münasibətlərin normallaşması istiqamətində həm Avropa İttifaqının, həm ABŞ-ın, eləcə də Azərbaycan və Ermənistanın ikitərəfli qaydada atdığı addımları dəstəkləyir.

Kolomina həmçinin xatırladıb ki, bu yaxınlarda Şimali Makedoniyanın paytaxtı Skopyedə ATƏT nazirlərinin görüşü çərçivəsində Azərbaycan və Ermənistan xarici işlər nazirləri ilə görüşüb.

“Biz öz dəstəyimizi davam etdirəcəyik və ən yaxşısına ümid edəcəyik. Əsas odur ki, Qafqazda sabitlik təkcə bizim Gürcüstanda gördüyümüz işlərlə deyil, həm də Ermənistan və Azərbaycanın gətirə biləcəyi sabitlik hesabına qorunur”, - o bildirib.

Oxşar xəbərlər

Xavyer Kolomina: "NATO Azərbaycan-Ermənistan münasibətlərinin normallaşması üzrə səyləri dəstəkləyir"

ABŞ-də Avropa Birliyinin gələcək liderinin adını açıqlayıblar

Bayramovdan Borrellə: Bu bəyanatlar AB-yə xələl gətirir

Borel Azərbaycanla Ermənistan arasında əldə olunmuş razılığı alqışlayıb

İrəvana dəstəyimiz lazımdır: Mirzoyanla görüşəcəm