İran ECO ölkələri qadınlarının iştirakı ilə yüksək səviyyəli görüşə ev sahibliyi etmək istəyir

İran İqtisadi Əməkdaşlıq Təşkilatı (ECO) ölkələri qadınlarının iştirakı ilə yüksək səviyyəli görüşə ev sahibliyi etmək istəyir.

"Sizinxeber.az"un Laçına ezam olunmuş əməkdaşı xəbər verir ki, bununla bağlı İran Xarici İşlər Nazirliyinin (XİN) İƏT və çoxşaxəli iqtisadi əməkdaşlıq məsələləri üzrə departamentinin direktoru Behzad Azar Laçında ECO Qadınlar Forumu çərçivəsində keçirilən "Dayanıqlı İnkişada Qadınların Rolu" adlı panel sessiyada deyib.

O qeyd edib ki, ölkəsi qadınların təhsilə çıxışının daha əlçatan olmasını dəstəkləyir:

"Həmçinin təklif edirik ki, ECO-nun qadınlar üçün yaşıl fondu yaradılsın. Bununla bərabər, qadınların irəli sürdükləri layihələrə maliyyə dəstəyi üçün də xüsusi fond yaradılmasını istəyirik. Hesab edirik ki, qadınların dəstəklənməsi vətəndaş cəmiyyətlərinin inkişafına töhfə verəcək".