1-2 iyul tarixlərində Özbəkistanın Xivə şəhərində "Yeni üfüqlər axtarışında: dialoqdan birgə fəaliyyətə doğru" mövzusunda birinci Özbəkistan-Azərbaycan parlamentlərarası forumu keçiriləcək.

“Report” xəbər verir ki, bu barədə parlament Senatının mətbuat xidmətinin məlumatında deyilir.

Forumda Özbəkistan Ali Məclisinin və Azərbaycanın Milli Məclisinin üzvləri, həmçinin iki ölkənin Gənclər parlamentlərinin nümayəndələri iştirak edəcəklər.

Forumun məqsədi parlamentlərarası əməkdaşlığı daha da dərinləşdirmək, qanunvericilik fəaliyyəti və parlament nəzarətinin həyata keçirilməsi ilə bağlı təcrübə mübadiləsi aparmaq, həmçinin ən yüksək səviyyədə əldə edilmiş razılaşmaların reallaşdırılmasına kömək etməkdir.

"Forumun sonunda strateji tərəfdaşlığın daha da möhkəmləndirilməsi, prioritet sahələrdə ikitərəfli əməkdaşlığın genişləndirilməsi, həmçinin birgə təşəbbüslərin səmərəli həyata keçirilməsi üçün hüquqi əsasların təkmilləşdirilməsinə yönəlmiş yekun sənədin qəbul edilməsi nəzərdə tutulur", - məlumatda vurğulanır.

Oxşar xəbərlər

Azərbaycan və Özbəkistan Hökumətlərarası Komissiyanın iclasının tarixini razılaşdırıb

Azərbaycan və Gürcüstan parlamentlərarası dostluq qruplarının yeni formatda görüşü planlaşdırılır

Azərbaycan-Özbəkistan iqtisadi tərəfdaşlığının gücləndirilməsi müzakirə olunacaq

Özbəkistanla Azərbaycan arasında strateji tərəfdaşlıq münasibətlərinin möhkəmləndirilməsi müzakirə edilib

Həştərxanda keçiriləcək Media Forumda bütün Xəzəryanı ölkələrin nümayəndə heyətləri iştirak edəcək