Prezident İlham Əliyev Sumqayıt Kimya Sənaye Parkının ərazisinin genişləndirilməsi haqqında Sərəncam imzalayıb.

APA xəbər verir ki, Sərəncama əsasən, “Dəniz suyunun duzsuzlaşdırılması yolu ilə içməli su istehsalı sahəsində pilot layihənin həyata keçirilməsi tədbirləri haqqında” Azərbaycan Respublikası Prezidentinin 2023-cü il 12 aprel tarixli 3843 nömrəli Sərəncamının icrası ilə əlaqədar Nazirlər Kabinetinə tapşırılıb ki, Sumqayıt Kimya Sənaye Parkının ərazisinin genişləndirilməsi məqsədilə Sumqayıt şəhərinin inzibati ərazisində yerləşən və bu Sərəncama əlavə olunan Azərbaycan Respublikası İqtisadiyyat Nazirliyinin tərtib etdiyi yerquruluşu planlarında göstərilmiş, dövlət mülkiyyətinə aid 29,63 hektar (Azərbaycan Respublikası Dövlət Neft Şirkətinin “Azərikimya” İstehsalat Birliyinin istifadəsində olan 26,86 hektar və həmin torpaq sahəsinə bitişik 2,77 hektar) torpaq sahəsinin icarəyə vermək hüququ ilə həmin Nazirliyin tabeliyində İqtisadi Zonaların İnkişafı Agentliyinin istifadəsinə verilməsi ilə bağlı iki ay müddətində tədbirlər görüb Azərbaycan Respublikasının Prezidentinə məlumat versin, Sərəncamdan irəli gələn digər məsələləri həll etsin.

İqtisadiyyat Nazirliyi, Dövlət Neft Şirkəti və Sumqayıt Şəhər İcra Hakimiyyətinə də bu Sərəncamdan irəli gələn məsələlərin həlli üçün zəruri tədbirlər görməsi tapşırılıb.

Oxşar xəbərlər

Sumqayıt Kimya Sənaye Parkının ərazisi genişləndirilir - SƏRƏNCAM [xfgiven_updateblue][/xfgiven_updateblue]

Sumqayıt Kimya Sənaye Parkının ərazisinin genişləndiriləcək [xfgiven_updateblue][/xfgiven_updateblue]

Pirsaatda 300 hektardan çox torpaq günəş elektrik stansiyası üçün ayrılacaq [xfgiven_updateblue][/xfgiven_updateblue]

Naxçıvan Neft və Qaz Məhsulları Təminatı Müəssisəsi ləğv edilib [xfgiven_updateblue][/xfgiven_updateblue]

Sumqayıt Kimya Sənaye Parkından ixracın dəyəri 3 milyard manatı keçib [xfgiven_updateblue][/xfgiven_updateblue]