Azərbaycan ilə Misir arasında əlaqələrin inkişaf dinamikası məmnunluq doğurur.

APA xəbər verir ki, bu barədə Prezident İlham Əliyevin Misir Ərəb Respublikasının milli bayramı – İnqilab Günü münasibətilə bu ölkənin Prezidenti Əbdülfəttah əs-Sisiyə ünvanladığı təbrik məktubunda deyilir.

Dövlət başçısı bildirib ki, həyata keçirilən yüksəksəviyyəli qarşılıqlı səfərlər və müntəzəm təmaslar əməkdaşlığın yeni məzmunla zənginləşməsində əhəmiyyətli rol oynayır.

"Bu gün müxtəlif sahələrdə münasibətlərimizin dərinləşdirilməsi üçün böyük potensial mövcuddur. İnanıram ki, xalqlarımızın rifahı naminə bu imkanlardan yararlanaraq ənənəvi dostluq əlaqələrimizin, səmərəli işbirliyimizin daha da genişlənməsi yolunda bundan sonra da birgə səylər göstərəcəyik”, - təbrikdə qeyd olunub.

Oxşar xəbərlər

İlham Əliyev misirli həmkarını təbrik edib

Azərbaycan lideri Maya Sandunu yenidən Moldova Prezidenti seçilməsi münasibətilə təbrik edib

Prezident İlham Əliyev Küveytin Əmirinə təbrik ünvanlayıb