Sentyabrın 29-da Yevlax şəhərində Azərbaycanın Qarabağ bölgəsində yaşayan erməni sakinlərin nümayəndələri ilə növbəti görüş keçirilib.

sx.buludhost.com xəbər verir ki, bu barədə Prezident Administrasiyasının məlumatında bildirilib.

Görüşdə humanitar məsələlər, Qarabağın erməni sakinlərinin reinteqrasiyası və bu xüsusda, Azərbaycanın təqdim etdiyi reinteqrasiya planı ətraflı müzakirə olunub.

Mülki şəxslərin sərbəst hərəkətinin təmin edilməsi, humanitar yardımların göndərilməsi, yanacaq, qida ehtiyaclarının qarşılanması yüksək qiymətləndirilib. Qarabağ iqtisadi rayonunda yaşayan erməni sakinlərin nümayəndələri Xankəndi şəhəri yaxınlığında baş vermiş yanğın zamanı Azərbaycanın müvafiq dövlət qurumlarının həyata keçirdiyi tədbirlərə, xüsusilə yanğının söndürülməsi, xəsarət alanlara ilkin tibbi yardımın göstərilməsi üçün zəruri tibbi ləvazimatların, dərman preparatlarının və təcili tibbi yardım avtomobillərinin əraziyə göndərilməsinə görə xüsusi minnətdarlıq ifadə ediblər. Xahiş olunub ki, Azərbaycanın müvafiq dövlət qurumları mobil rabitə xidmətinin, televiziya və radio yayımının təşkili istiqamətində tədbirlər görsünlər.

Qarabağın erməni sakinləri ilə təmaslar üzrə müəyyən edilmiş məsul şəxs Ramin Məmmədov reinteqrasiya prosesi ilə bağlı prosedurlar və sosial xidmətlər zərfi haqqında məlumat verib. Bildirib ki, təsərrüfat, kommunal və digər bu kimi məsələlərin yerində həll edilməsi məqsədilə Qarabağ bölgəsində sosial, humanitar, iqtisadi və infrastruktur məsələləri üzrə yaradılmış İşçi qrupun üzvlərinin oktyabrın 2-də Xankəndi şəhərinə səfəri nəzərdə tutulub.

Oxşar xəbərlər

İşçi qrupun üzvləri bu tarixdə Xankəndiyə səfər edəcək [xfgiven_updateblue][/xfgiven_updateblue]

Azərbaycanın mərkəzi hakimiyyəti erməni sakinlərə bu məsələlərdə yardım edəcək [xfgiven_updateblue][/xfgiven_updateblue]

PA Yevlax görüşü ilə bağlı məlumat yaydı [xfgiven_updateblue][/xfgiven_updateblue]

Xocalıda ermənilərlə növbəti görüş BAŞLADI [xfgiven_updateblue][/xfgiven_updateblue]

Yevlaxda Qarabağın erməni sakinlərinin nümayəndələri ilə görüş başa çatıb [xfgiven_updateblue][/xfgiven_updateblue]