Musiqiçi, bəstəkar, “Boney M” qrupunun qurucusu Frank Farian (əsl adı Frans Reuther) 83 yaşında vəfat edib.

“Report” xəbər verir ki, bu barədə NTV telekanalı məlumat yayıb.

Məlumata görə, F.Farian Mayamidəki evində dünyasını dəyişib.

Qeyd edək ki, bəstəkar 1961-ci ildə “Frankie Farian und die Schatten” qrupunu yaradıb və onunla yerli restoranlarda, eləcə də rəqs klublarında çıxış edib. Şöhrəti isə 1964-cü ildə qrup Hamburqda beynəlxalq rok festivalında iştirak edərkən qazanıb. O, 1968-ci ildə solo karyerasına başlayıb. Lakin 1970-ci illərin ortalarından etibarən musiqiçi pop musiqiyə diqqət yetirməyə başlayıb.

Xatırladaq ki, o, “Rasputin” və “Daddy Cool” kimi “Boney M” qrupunun hitlərinin müəllifidir. Bundan əlavə, “Farian”, “Eruption”, “Precious Wilson”, “Far Corporation”, “Milli Vanilli”, “La Bouche” daxil olmaqla bir neçə başqa pop layihələrini qurub.

Oxşar xəbərlər

Əfsanəvi futbolçu Frans Bekkenbauer vəfat edib

Vaqif Mustafazadənin ölümündən 44 il ötür

UEFA-nın Azərbaycan futzal millisinə texniki məğlubiyyət verməsinin səbəbi müəyyənləşib

SSRİ yığmasının heyətində olimpiadanın qalibi olmuş basketbolçu vəfat edib

“Elektrik təchizatı şəbəkələrinə qoşulma” işçi qrupunun növbəti iclası keçirilib