Sizinxəbər.Az-ın məlumatına əsasən,Amerika Kosmik Agentliyi (NASA), Kepler teleskopundan əldə olunan məlumatlara əsaslanaraq Günəş sistemindən kənarda yeni bir Yerəbənzər planetin mövcudluğunu təsdiqləyib. “Kepler-1649c” adlı bu ekzoplanet Yerə çox yaxın ölçülərdədir və yaşama potensialına sahib olması ilə diqqət çəkir.

Alimlərin fikrincə, Kepler-1649c öz ulduzundan, Yerə günəşdən gəldiyinə yaxın səviyyədə istilik alır. Bu isə onun səthində maye halında suyun ola bilmə ehtimalını artırır. NASA bu kəşfi həyat üçün yeni potensial mühit olaraq qiymətləndirir.

NASA-nın rəsmi açıqlamasında (2020-ci ildə) deyilir ki, bu planet əvvəllər səhv texniki təsnifat nəticəsində nəzərdən qaçırılıb. Lakin məlumatların yenidən yoxlanılması ilə planetin varlığı təsdiqlənib.

NASA nümayəndəsi Thomas Zurbuchen bildirib:
“Bu ekzoplanetin mövcudluğu bizə kainatda tək olmadığımız ümidi verir və gələcək tədqiqatlar üçün həyəcanverici zəmin yaradır.”

Oxşar xəbərlər

NASA-nın Marsdakı helikopteri ilə əlaqəsi kəsilib

NASA astronavtları kosmosdan videobağlantı ilə COP29 iştirakçılarına müraciət ünvanlayıblar

NASA Avropada həyat axtaracaq

Milyarder NASA-nın rəhbəri olacaq

ABŞ Senatının Komitəsi Ayzekmanın NASA rəhbəri vəzifəsinə namizədliyini təsdiqləyib