"SpaceX" şirkətinin "Falcon Heavy" daşıyıcı raketi NASA-nın "Nancy Grace Roman" kosmik teleskopu ilə birlikdə uğurla start götürüb.
Oxu.Az bu barədə TASS agentliyinə istinadən xəbər verir.
Buraxılış Bakı vaxtı ilə saat 15:26-da Floridadakı Con Kennedi Kosmik Mərkəzindən həyata keçirilib.
Teleskopun əsas missiyasının beş il davam edəcəyi bildirilir. NASA bu müddətdən sonra onun fəaliyyətini daha beş il uzatmağı planlaşdırır. İlk görüntülərin 2027-ci ilin əvvəlində yayımlanması gözlənilir.
NASA mütəxəssisləri teleskopun iki milyarddan çox qalaktika haqqında məlumat toplayacağını və ulduzların, qalaktikaların və onların çoxluqlarının necə formalaşdığını və dəyişdiyini, həmçinin kainatın zaman keçdikcə necə genişləndiyini araşdırmağa kömək edəcəyini gözləyirlər.
