Bu ilin iyul ayında Azərbaycan sabit genişzolaqlı internetin orta sürətinə (40,65 MB/S) görə 162 ölkə arasında 109-cü yerdə qərarlaşıb ki, bu da iyun ayına nisbərən 4 pillə irəliləyiş deməkdir.

"Sizinxeber.az” “Speedtest Global Index”ə istinadən xəbər verir ki, bir il əvvəlki göstərici (29,14 MB/S) ilə müqayisədə isə ölkədə sabit genişzolaqlı internetin orta sürəti 39,5 % artıb.

Sabit genişzolaqlı internetin sürətinə görə ötən ay birinci yeri Birləşmiş Ərəb Əmirlikləri (291,85 MB/S), axırıncı yeri isə Əfqanıstan (3,56 MB/S) tutub.

Azərbaycan iyulda mobil internetin sürətinə görə iyun ayına nisbətən mövqeyini dəyişməyərək 53,98 MB/S sürətlə 111 ölkə arasında 49-cu olub.

Mobil internetin sürətinə görə birinci yeri Birləşmiş Ərəb Əmirlikləri (359,85 MB/S), sonuncu yeri isə Yəmən (7,26 MB/S) tutub.

Hesabat ayında Bakı şəhəri sabit genişzolaqlı internetin sürətinə görə əvvəlki aya nisbətən 1 pillə irəliləyərək 207 şəhər arasında 42,13 MB/S sürətlə 134-cü yerdə qərarlaşıb.

Şəhərlərin sabit genişzolaqlı internet üzrə reytinqinə Valparaiso (320,47 MB/S) başçılıq edib. Sonuncu pillədə Hələb (1,95 MB/S) qərarlaşıb.

Azərbaycan paytaxtı iyulda mobil internetin sürətinə görə 68,99 MB/S sürətlə iyuna nisbətən 1 pillə irəliləyərək 162 şəhər arasında 69-cu yerdə qərarlaşıb.

Şəhərlər arasında mobil internetin sürətinə görə birinci yeri Ər-Rayyan (451,02 MB/S), sonuncu yeri Kabil (8,01 MB/S) tutub.

Oxşar xəbərlər

Bakıdakı təsərrüfatların 95 %-dən çoxunun genişzolaqlı internetə çıxışı var

Dünya Bankı: Azərbaycanda adambaşına aylıq mobil genişzolaqlı trafik 2,3 giqabayta çatıb

İranın qonşuları ilə ticarət dövriyyəsi 19 milyard dolları ötüb

İran parlamentində gərginlik yaşanıb - FOTO

Bakının 95%-dən çoxunun genişzolaqlı internetə çıxışı təmin olunub