Dövlət ümumi təhsil müəssisələrinin tədris digər dillərdə aparılan birinci siniflərinə qəbul uşaqların həmin dil üzrə şifahi nitq bacarıqlarının qiymətləndirilməsi məqsədilə təşkil olunan müsahibə komissiyalarının rəyi əsasında həyata keçirilir.

Bu barədə APA-ya MÜTDA-dan xəbər verilib.

Bildirilib ki, rus bölməsi üzrə 1-ci siniflərinə qəbul müsabiqə yolu ilə aparılan ümumi təhsil müəssisələrinə Azərbaycan və rus bölmələri üzrə (Bakı Avropa liseyi, Respublika İncəsənət gimnaziyası və Bülbül adına orta ixtisas musiqi məktəbləri istisna olmaqla) qeydiyyat qaydaları ilə bağlı bildirilib ki, təlim dili Azərbaycan dili seçilərsə, ümumi qaydada, tədris digər dildə aparılan bölmə seçilərsə, ilk növbədə uşağın şifahi nitq bacarıqları müsahibə əsasındaqiymətləndiriləcək.

"Övladı müsahibədən uğur qazanmış valideyn “Prioritet üzrə” bölməsini seçib müvafiq ümumi təhsil müəssisəsinə sorğu yerləşdirə bilər. Prioritet üzrə üstünlükləri olmayan valideynlər (qanuni nümayəndələr) isə elektron sistemdə “Müsabiqə yolu ilə” bölməsini seçərək övladının həmin təhsil müəssisəsinə müsabiqə yolu ilə qəbulu üçün elektron sorğu yerləşdirə bilərlər. Müsabiqələr 30 iyun tarixindən 7 iyul tarixinədək keçiriləcək", - məlumatda qeyd olunub.

Oxşar xəbərlər

I sinfinə qəbulu müsabiqə yolu ilə aparılan təhsil müəssisələri məlum olub

I sinfə qəbul prosesində prioritet tətbiq olunacaq məktəblərin siyahısı açıqlanıb

Məktəblərin tədris digər dillərdə aparılan bölmələrində 5-ci siniflərdə Azərbaycan tarixi dövlət dilində tədris edilir

Məktəblərin tədris digər dillərdə aparılan bölmələrində Azərbaycan tarixinin dövlət dilində tədrisi genişləndirilir

Bu gündən Azərbaycanda ali məktəblərə ixtisas seçimi başlayıb