NASA-nın Yerə Yaxın Obyektlərin Tədqiqi Mərkəzinin astronomları “2024 YR” asteroidinin birbaşa Yerlə toqquşması ehtimalını əhəmiyyətli dərəcədə artırıblar.

“Sizinxeber.az” xəbər verir ki, bu barədə “The Guardian” məlumat yayıb.

Mütəxəssislərin hesablamalarına görə, 2032-ci ildə baş verə biləcək kosmik obyektin Yerlə toqquşması ehtimalı 2,3%-ə yüksəlib.

Edinburq Universitetinin planetar astronomiya professoru Kolin Snodqrass qeyd edib ki, asteroidin uçuşu çox güman ki, zərərsiz olacaq.

Daha əvvəl “2024 YR4” adlı futbol meydançası böyüklüyündə asteroidin 22 dekabr 2032-ci ildə Yerlə toqquşacağı bildirilmişdi. NASA-nın son məlumatlarına görə, asteroidin Yerə təsir ehtimalı 1,6% təşkil edib. Alimlər panikaya düşməsələr də, onun trayektoriyasını diqqətlə izləyirlər.

Elm adamları ilk dəfə “2024 YR4”ü 27 dekabr 2024-cü ildə Çilidəki El Sos Rəsədxanasında kəşf etdilər. Astronomlar onun diametrinin 40 ilə 90 metr arasında olduğunu təxmin edirlər.

Oxşar xəbərlər

Yerə asteroid yaxınlaşır

Şamaxı Astrofizika Rəsədxanası: Yerin müvəqqəti peyki planetimizə yaxınlaşmaqdadır

Milyarder NASA-nın rəhbəri olacaq

BDU-nun Astrofizika kafedrası qarşıdakı 50 ildə gözlənilən 7 əsas astronomik hadisəni açıqlayıb